بقلايظ وبيض وجبنه

lمش عارف ايه اللى بيحصل حوالينا الايام دى ....لاحظوا كده اللى بيحصل هنا وهنا فى البلد ؛ تحسن انك قاعد فى - المرستان -
ويمكن يكون الناس اللى ف العباسيه اعقل من اللى بره (اكيد و الله)...كل يوم اضرابات جديده....عايزين حقنا ومش هنسيبه ...
لازم ترفعوا المرتبات و العاشات.......عايزين نعيش ولادنا....
غالى.....رفع الاجور مسئوليه الانديه الشعبيه
الاهلى....متعب مش هياخد اكتر من 10 مليون ف 3 سنين والباقى هنوزعه بالعدل
العدل.......احنا عايزين العدل يا وزير العدل فى المحكمه
محكمه......دى اغنيه قالبه التكاتك كلها بتاع طارق الشيخ (ماليش ف الشعبى)
الشيخ...... كل يوم يطلع بفتوى جديده_ايها الناس: الاكل والشرب حرام
الحرام...... ان كيلو اللحمه يبقى ب 80 ج ف القاهره واعلى ما خيلكم اركبوه
الخيل..... هنعمل مسابقه اجمل فرسه...(محدش يفهمنى غلط)
فرص....فرص العمل اصبحت متاحه فى جميع القنوات المشفره والغير مشفره (اخيرا فهمتنى يا وديع)
استاااااذ ...استااااااااااذ ........ارجوك نفسى افهم السؤال دة
هل مصر من الدول الجوانيه ام من الدول البرانيه ...؟
عاشت مصر حره ديقراطيه ...والجلاء التام (طبعا مش الميدان) او الموت فى الحمام
الحمام...الحمام رمز السلام و احنا بندين اللى حصل فى لبنان
لبنان و السودان واليمن و تركمنستان...بنحاول نقيم علاقات وطيده معاها فى اطار التعاون الاستراتيجى و الاقتصادى
الجسر الوطيد.......ولقد قام السيد \عباس ابن فرناس بزياره السيد\الن اندى واكدا ان على حسن التعاون بين الناديين المهبولين
ياعميد....يا عميد سيبك سيبك من الحديد ..وبحب اقول للعميد اللى جاى من بعدى انا اللى همسك المباحث قريب
الداخليه....احنا لازم نسيطر يا افندم على الجماهير العريضه دى مش كل مره يشتموا ونسكت ...
السكوت......علامه الرضا وطالما سكتوا يبقوا انتوا موافقين (ماليش فيه )
ماليش فيه.....ودة اسم الفيلم الجديد لفنان الجير اللى بيوجهه فيه رساله لكل الهايفين بضرورة التجمع ف ميدان السيده عائشه للمطالبه بنزول التشيرتات ام ترتر من اول وجديد
التيشرتات.....لو عايزه تخسسى نفسك بالتيشرت بتاعك كمان كلمينى ع الرقم دة زيرو زيرو زيرو زيرو زيرو
زيزو زيزو.......هما نسيوا انا مين ...انا زيزو بقلايظوا

بقلايظ وبيض وجبنه