بعد السلام .....
مش عارف ابدأ ازاى كلامى انما انا كل اللى عارفه انى الفترة اللى فاتت لقيت شوية اخبار تموت من الضحك
اخبار تقول ان احنا بقينا خلاص ......كوسه فى كل حاجه ف حياتنا
اولها
_شيخنا الكبير وملانا السعيد ذو العمر المديد و الراى الرشيد ...شيخ الازهر
ياعم الشيخ و انت مالك بايران و القصه دى كلها هو خلاص الازهر فاضله فرع ايران و يكمل العقد بتاع الجامعه
ياعم الشيخ خلينا ف حالنا وشوف اللى قدامك الاول ...شوف علمائك المحترمين و هما واقفين لبعض ف صفحات الجرايد
و الله ياعم الشيخ ارجوك تحل الاول مشكله الجامع بتاع سعد الصغونن اللى فى شبرا الخيمة
و اللى د \محمد المسير قال مينفعش فيه الصلاة ...و د\ سعاد صالح اللى راحت المسجد و جلست تحاضر فى وسط الرجال
لاول مرة ف تاريخ الاسلام
ياعم الشيخ ....سيب ايران لبتوع ايران و خلينا ف الدين الله يصلح حالك و حالنا
ثانيها
اتوزعت ...الاكيد ياعم النايب انها مراحتش للفقرا و المساكين
بذمكتم مش دى اهانه فى حق الحمير اللى مربوطه ليل نهار للشغل
و كمان جايين عليهم ورايحين تدبحوهم يا ظلمه
الله يكون فى عونك يا حماار........
تالتهم
_الاستاذ المفكر \جمال البنا الله يستره بيقول
ياصلاة النبى .......يا صلاة النبى ....و ايه كمان ياعم المفكرين ...؟
مبلاش منه الجواز خالص ...بلاش المرة الجايه للناس اللى بره تصوم رمضان
عادى بجمله الفتاوى ياعم المفكر
و الله مانا عارف الظاهر ان كل واحد الايام دى يشغل دماغه شوية يفتكر نفسه
اوتى مالم يؤتى احد من العالمين
ياجدعان ارحمونا و خلى بتاع الدين يتكلم ف الدين و بتاع السياسة للسياسة
و بتوع الكورة ...للكو..........
رابعهم
عسل يارجالتنا و ان شاء الله البرايز الخضرا دى معفاة الضرايب ولا لأ....؟
و ان شاء الله شعب السودان هينوبه من الحب و البرايز دى جانب ...؟
و ان شاء الله فاضل الدور ع مين اللى لسه مدفعش ليكم ...........؟
انا بيتهيالى لبنان ....و سوريا ....و فلسطين ....و الحته بتاع المغرب العربى دول
لسه ما دفعوش حاجه .......بينا يا رجاله عليهم ...................
و اخيرا
_الحته الطرية و المغنيه المهلبيه ذات الصوت اللى كله احساس و حنيه
ياست الكل هو عمرو مزعلك فى حاجه ولا حد يعرف بس مش دى المشكله
المشكله يا اسيادنا فى شبابنا الامورررررررر اللى احتار ياعينى
هندافع عن مين ولا مين و مين ..؟ عن تمورة حبيب قلبى و لا عمورة اللى واكل حته من قلبى
ولا شيرين مشربتش من نيلها و بعدها بشهر راحت تولد هناك ف امريكا علشان الجنسيه
ارجوكم
اقيموا الدفاعات الارضيه و مضادات الصواريخ و جهزوا حاملات الطائرات
و رافعوا اهبه بناطيلكم و تشيرتاتكم فى وش المعتدين
واجلسوا ف المنتديات سبوا و العنوا فى اسماء المطربين
بلا وكسه يا بلد كتروا فيكى الهايفين
هناك ١٨ تعليقًا:
اول تعليق
:)
قبل أي حاجة كل سنة وانت طيب يا دوك
وان شاء الله رمضان كريم ..
أما عن الهايفين في بلدنا المحروسة..وفي وجهة نظري اولهم مستر طنطاوي المُعين شيخا للأزهر للأسف
فهم في ازدهار وانتشار..وتوغل
للأسف برضه
عن نفسى يعنى يعنى الازهر انتهى من حياتنا للاسف من زمان الا الشيوخ القليله ده بقى تابع للدوله وشكرا لكم
كل سنه وانتا طيب يا كف
والسنا اللى جايا انشا الله يكون معاك جراحه
بس متبقاش تنسانا
لاء انت لو هتدور على الهايفين فمفيش اكتر منهم
وجمال البنا ده مش اول مره يطلعلنا بحاجه زى دى
ماهو طول عمره قاعد يخرف عمال على بطال
اما بقى شباب المستقبل شبابنا
فكان الله فى العون على رايك
هيلاقوها منين ولا منين
كل سنه وانت طيب ورمضان كريم
كل سنة وانت طيب رمضان كريم
بوست هادف وجميل الهايفين كتير فعلا بس لما يبقوا فى الدين يبقة دى كارثة حقيقة حسبنا الله
وايه مشكله جامع سعد الصغير بس؟؟؟
مكان الناس بتعبد فيه ربنا
هل سعد بيرقص فيه؟؟؟؟؟؟؟
طب يايرت سعد يعمل مدارس ومستشفيات هو وأمثاله ع الاقل نستفيد منهم
بالنسبه لجمال البنا فالراجل ده بيجيبلى الضغط ومش عاوزه اعلق على اى حاجه بيقولها
ربنا يهديه يارب
جميلة مدونتك يا كفراوي
كل عام وانت الى الله اقرب
كل سنه و انت طيب و رمضان كريم
في حاجه غريبه اوي في الاخبار دي
و هي ان شيخ الازهر مش عايز يفتح فرع للأزهر في ايران - ما علينا من السبب-
اللي انا اعرفه ان ايران شيعه و الازهر -المفروض يعني -انه قبله السنه في العالم الاسلامي معني كده انك بتفتح باب للسنه في ايران
ده لو اخدنا في الاعتبار ان في غزو حقيقي و بجد للشيعه في مصر و في مصرييين شيعه
ما علينا
dr.roufy
و انتى طيبه يا دوك كفايه بس انك انتى تبقى عاقله و البلد دى تبقى احلى من كدة
\
\
\
\
\
appy
و الله يا آبى هانم ولا انا مستنى الازهر فى اى حاجه
غير معرف
ان شاء الله مش هنسى انا المرة الجايه ابقى قولى انت مين علشان ادعيلك معايا ههههههه
\
\\
\
\
\\
كلمتى
دودو انتى اللى فيهم و بس
princess bery
ربنا يخيليك
\
\
\\
\
\\
لست ادرى
اعتقد ان الجامع مش مشكله المشكله فلوس الجامع هما مختلفين حلال ولا حرام
زرابيح ابو الليل
و انت اجمل و اقرب ان شاء الله الى الله تعالى
نورتينى بجد
\
\
\
\
\
آلاء
فى حاجه صغيرة انتى نسياها وهى
ان السنه هم اعدى اعداء الشيعه ........!
شوية كلام في الجون
سيبك من شيخ الأزهر اللي عر الأزهر ربنا ياخده
و جمال البنا ساعات بيقول هرتلة كتير ففضك منه برضه
و إليسا مش هي اللي حتأثر على جمهور عمرو دياب رغم اني شايف ان تضييع الفلوس على شرايط المغنيين سفه
اللي محزوق يسمع اغاني عنده الدش و النت ببلاش لو حبكت يعني
الفلوس اللي لعيبتنا خدوها هي حق الهزيمة تمن ما باعوا الماتش
و لحم الحمير الناس خلاص اتعودت عليه بس مش عايزين اللي يقول لهم على مصدره علشان نفسهم ما تتسدش بس
اولا كل سنة وانت طيب
ثانيا انت كنت فيين
ثالثا البوست
ايه دا انت شايل ليه من مصر الحبيبة
بلد الحبيبة والهتيفة
غريبة
مصر حضارة البعة تلاف سنة مفيش منهم شهر واحد الشعب المصرى حكم نفسه بنفسه
مصر يا كفراوى والمصريين
المصريين اللى لما وقع على راسهم الجبل قاللوا للحكومة لو سمحت كشافات عشان نخرج احنا المئات اهالينا باليل
المصريين الى احتلو تالت مرتبه على جوجل فى البحث عن الجنس
مش عارف
ليه انت زعلان من مصر دى يا كفراوى
سؤال
بالحق انا عملت مدونة جديدة
للتصوير الفوتوجرافى
http://s0or.blogspot.com/
اتمنى زيارتك
نصيحة :لا تكن متشائما وانظر الى ثمن الكوب الممتلى
هما ده اللي فالحين فيه يحاربوا بعض عشان ده تيموري وده عموري واشطه بقي
ده اللي ناس بتسعي ليه امال الثغرات بتتعمل ازاي
تاريخ الاندلس الاعداء كانوا بيرسلوا الجواسيس يشوفوا الشباب ايه حالهم بيلاقو سباب واعي مثقف واعي لكل شي مكنش بيقدر حد يوصلهم لكن عندما وجد الاعداء ان شبابها يهلثون وراء غرائز وشهوات الدنيا
قالوا هذا هو الوقت المناسب فشبابهم لايهمه بلد يهمه ...........
وتحياتي للشباب الواعد الصاعد
كل سنه وانت طيب
كل عام وانت بخير
د. كفراوى
أنا متأسفة جدا على تأخرى المدة دى كلها
بس فعلا كان فى ظروف خارجة عن إرادتى
مع إنها متأخرة بس بردوا هأقولك كل سنة و أنت طيب
و رمضان كريم
أما بالنسبة للأخبار اللى تضحك
فكتييييييييييييييير أوى
فوق إنها تتعد
بس بردوا رغم كدا
هأرجع أقول إن بردوا احنا علينا جزء من المشكلة
ياريت فعلا نبدأ و لو حتى بس نفهمان اللى بيجرى حوالينا دا غلط
و نحاول نعرف الصح
خالص تحياتى ليك
و مرة تانية معلش على التأخير
إرسال تعليق