اولهم بيبيع كتب دينية للشعراوى و تفاسير وكدة يعنى و الكتاب ب 2جنية .......يا بلاش
تانيهم بيبيع شيكولاتة كادبورى من المضروبة اللى كلنا عارفينها و مش بنشتريها طبعا لان ف شك انها جاية من الصين و الواحدة ب 25 قرش طبعا بس ع خاطر الموظف يجيب لولادة وهو مروح
بتاع الاقلام الفرنساوى اللى هيا طبعا مش فرنساوى انما صينى علشان الاربعة منها ب 1 جنية بس
بتاع كتب دينية تانى عند القصر العينى بس المرة دى الواحد ب 1 جنية .....يظهر ان الاولانى كان بيغلى شوية .....ماعلينا
بتاع البلستر الطبى ودة طبعا ال 10 منة بس ب 0.5 جنية برخص التراب ولانك تمشى متعور ابدا ....
بتاع اقلام فلومستر الوان ال 12 قلم ب 1ج واكتشف مواهب اولادك بدرى بدرى (دة البياع اللى بيقول
بتاع الشماعات .10بلاستيك ب 1.5ج بس و لمعلوماتكم انها بتتحدى الحديد انا بقلكم ع تاخدوا بالكم
بتاع المعالق بتاع الشاى اللى تحتاجها اى عروسة ف جهازها ال 6 ب 1.5ج يالا...اللى متجوزتش .....تلحق تتجوز
بتاع اقلام مصرى بقى المرة دى اللى طلع ال 4 ب 1ج بس
هناك ٢٣ تعليقًا:
رحلة سعيدة جدا
بس كنت قاعد ولا واقف لأنها تفرق كتير صدقني
أنا مش من القاهرة العامرة بس الموقف ده بيتكرر عندنا بشكل مختلف وبأسعار مختلفة
تقريبا فرق العملة هو السبب
عندنا بقى ده بيحصل في الترام أو القطار
ممكن تلاقي خيط وأبرة وغطا البطاقة والمحافظ الصغيرة دي وبنس وتوك شعر
وأقلام وستيكرز وكتب دينية
وكتب من المطبوعات الصغيرة دي بتتكلم عن حاجات مختلفة
بس مفيش شوكلاتة الصراحة .. عنديا مفيش غير النعناع والسكر ده اللي مش فاكرة اسمه
ده نوع من الترفيه اكمن السكة طويلة
هتقضي وقت ازاي بدون ما تتفرج على السلع دي
ده نوع من خدمة المستهلك .. العالم يأتي اليك ومن غير ما تتعب نفسك
ده حتي بيقولوا العيش بعد كده هيروح البيوت
وفي النهاية اتمنالك ما تقابلش الأسطى سعيد من جديد
تحياتي ..
بعد السلام عليكم
طيب كويس يا كفراوي انك كتبتلنا الاسعار عشان بس لو احتجت حاجة من دي اركب الاتوبيس دا
وربنا يستر علينا
تحياتي
heba
بعد السلام
و الله الرحلة كانت سعيدة ججدا
حد يشوف العالم دى و يزعل
تحياتى
\
\
\
\
abosalah
يا ابوصلاح الاسعار دى موحدة فكل الاتوبيسات انت مش من القاهرة ولا اية ......؟
يا اهلا بكفراوي باشا
عود احمد ومحمود كمان... فينك ياراجل من زمان....بقالي كتير اوي مقرتش بوستاتك...
المهم بقى موضوع الدوري ده جامد جدا... فكرتني بالمشهد ده اللي تقريبا حفظته...بس نسيت تشير الى الحقيقة التاريخية اللي بتقول ان الدوري بيقام في المترو والميني باص ابو 110 قرش كمان... دي معلومة مهمة جد لمحبي الاشتراك في الدوري...
منور ياباشا
طب والله الشيكولااته المضروبه دى طعمها جامد جداا
مش احسن منشترى كتكات بتلاته جنيه ونص
اهو ف الاخر كله بيتحلل للكتوز وسكر فركتوز يعنى
يبقى الرخيصه تحلى ولو كانت واحلـ...
تحياتى ع بوست الاتوبيس ده
وابقى جرب بس الشيكولاته هتدعيلى والله
اه والله دورى
تعرف انا قعدت اربع سنين
كنت رايح جاى من السويس للقاهرة ايام الجامعه
وست خرسا
كانت تشحت
فى الاربع سنين فى الاتوبيس
سنة الاقيها فى موقف الترجمان
والسنة اللى وراها الاقيها فى موقف السويس
وكل سنة
تغير الورقة اللى بتشحت بيها
سنة كاتبة
خرساء وتعول سنة ابناء
اللى بعديها اللى بعديها تلاتة
والمشكلة انها ارملة
حضرتك
كنت ببصلها واقول اه يابنت ال
تحياتى
هههههههههههههههههه
انتو دايما كده يا بتوع الأتوبيس
ميعجبكوش العجب
نعمل الشوكولاته بربع جنيه ، تقولوا صيني ومضروبة
نغليها ، تقولوا الحكومة الحرامية
هو اللي بيتعمل فيكم من شوية ؟؟
--
تحياتي ليك على التدوينة دي
على فكره يا معلم ده كان 33ج
والله اعلم لو ركبنا 833 كنا هنشوف ايه بس اكيد ده دورى ويختلف من اتوبيس لاتوبيس
والله يادوك
دا كل الى بييجي في بالى لما باشوف الناس المطحونة دي
منه لله الى كان السبب..وهايخلي الصين تفترسنا قريب قوي
ربنا يستر
حلو الدورى ده ... بس انت نسيت تقول منين اكبر محقق للإرادات ... هى زمانها تعبانه بس اهو خير للناس التعبانه دى
بس معندكش حق تنسى الراجل بتاع جلد الأنبوبه والله بينفع برده
ورحلة سعيدة
هى دى مصر
وهو ده نظام المواصلات يها اللى عمره ما هيتغير اداً انا كنت اكر انى لما هجي عربية هستريح من الازمة دى لكن للأسف المشكلة زادت وكبرت عن الاول واتأكدت ان ميش حل ومفيش امل ان الموضوع يتغير وتبقى الدنيا لذيذة حتى الاوتوبيسات المكيفة بقت اسوء من العادية وبقت ملجأ للعشاق
انا كتبت عن المرور والمواصلات لانى انا كمان بعانى منها
تحياتى
yomna
ف المينى باص و الاتوبيس و كمان شوية ف المترو و اخر مرة علشان خاطر
الست يمنى
\
\
\
\
د\اجدع بنوتة
المشكلة ف الجلوكوز و الفركتوز
المشكلة يا دوك
ف الموادز بتاع الشيكولاتز
دوحة
اهلا نورتنا بقللك
الست دى راحت فين دلوقتى يا باشا ...؟
\
\
\
\
\
خبيب
اة منها لله الحكومة بتحارب حتى بتوع الشيكولاتة شفت ازاى ........!
تحياتى لتشريف سعادتك لينا
dr-clever
يا حبيبى تعددت الاتوبيسات و الخدمة واحدة
دة شعار هيئة النقل العام بالقاهرة
\
\
\
\
\
dr.roufy
ياخوفى يا دكتورة يبعتوا بنات من الصين ع نتجوزهم
ههههه
تمر
لا و الله بتاع الانبوبة مطلعش المرة دى
اوعدك المرة الجاية هنادى علية لو شفتة
\
\
\
\
\
raspoutine
مش هتتحل المشكلة
كبارى مش نافع
شوارع مش نافعة
انفاق مش نافعة
الله يكون ف عونك مع بتوع المناديل
اتمنى انها كانت رحلة سعيدة ومفيدة ليك بإذن الله ..الحال فى مصر بقى صعب اوى ..بس الناس مش بإيدها تعمل حاجة غير الصبر على اللى هما فيه وانهم يسعوا برده على لقمة عيشهم ..
وربنا يهدى الجميع يارب
مدونة حلوة ومنظمة وتنسيقها حلو..
تحياتى ليك
ياسيدي تقدر تعتبرها نوع من انواع التسلية..تضييع الوقت والفرجة ببلاش..بس معرفش ليه حاسة انك بتعملهم دعاية مدفوعة الاجر وحاطط كمان اسعار الحاجة...
والله مرة اتخبطت في نافوخي وجبت الشكولاتة المضروبة دي حسيت اني باكل حاجة فيها سكر كتير قوي بس مش باينلها طعم ولا معالم رحت مأكلاها لقطة الجيران
ربنا يكرمك وتركب ميكروباص
oceaneyes
سعيد لتشريفك يا افندم
اما بالنسبة الافادة فهى اعظم افادة
لحكومة انها بتقولنا احمدوا ربنا ع اللى انتوا فية
بيسوو
طب معكى نص ج زيادة
علشان اركب ميكروباص
تحياتى لزيارتك يا افندم
والله معرفش مبقتش اسافر بعد ماخلصت جامعه
مدحت محمد
اكيد كانوا موجودين قبل ماتخلص
والله انا البايعيين دول بيصعبوا عليا علشان حاجاتهم دى مين هيشتيرها كلها حاجات وحشة وملهاش لازمة
بس البوست دمه خفيف اوى ايوه كده
المهم هو انت لسه ى الكليه مش عارفه ليه بحس انك كبير مش متخيلا ك فى كليه لسه
سلام
ههههههههه
تحيا مصر
بس نداءات جامدة على فكرة
اول زيارة ليا بس استمتعت جدا
شكرا جزيلا
إرسال تعليق