الصديق العزيز \ ذو النون المصرى مرر تاج ليا .....بدل مايقولى مبروك لمصر على ادائها فى كأس الامم المهم ماعلينانبتدى ياسيدى الاسئلة
_هل توافق علي حذف خانة الديانه من البطاقه الشخصيه؟
اوافق لانها مش هاتفرق كتير انما رأيى مش هيفيد من عدمة سواء بالموافقة او لآ لان الحكومة لو عايزة تشيلها هتشيلها
_ما رايك في المثليين؟هل تري انها حرية شخصيه؟ هل توافق علي الاعتراف بالمثليين؟هل لك اصدقاء من المثليين؟رأيى فيهم انهم اناس مرضى نفسيين
لاارى انها حرية شخصية لان المجتمع له قيم دينية واصول ماينفعش الخروج عنها
اوافق على الاعتراف بيهم لانهم فى رايى مرضى نفسيين و كلنا مرضى نفسيين الايام دى من اللى بنشوفة
لا و الله معنديش اصدقاء مثليين
_هل تعتقد بوجود اضطهاد للمسيحيين في مصر؟لا اعتقد انا بقالى سنة ونص ساكن ف شبرا مشفتش حاجة من دى الناس زى الفل والامن مستتب
من هو الشخص الذي تختاره لرئاسة الجمهوريه؟
معرفش انا اصلا مش بنتخب لاشعب ولا شورى وانتخابات محلية حتى ولا رياسة
انما اللى شايف نفسة ينفع رئيس جمهورية يتفضل
_اذا قمت بتاسيس حزب سياسي ،فمن هم الاشخاص الذين سوف تضمهم للحزب ليشاركوك الحكم؟
اصحابى وحبايبى اوى
_هل توافق علي مشاركة الاقباط و الاخوان في حكم مصر؟
واية المانع الاخوان فعلا بيشاركوا ف حكم مصر بدليل وجود 88 نائبا ليهم ف مجلس الشعب
انما الاقباط المفروض يشاركوا اكتر من كدة
_ما هي افضل مدونه زرتها؟
كل المدونات اللى زرتها حلوة و جميلة ماعدا بتاعتى مش عارف لية ....!
هل توافق علي الزواج من مطلقه؟
ولما لا الرسول _علية الصلاة والسلام -تزوج من المطلقات
اذا انجبت ولدين و بنتين ، فاي الاسماء ستختارها لهم؟
الاولاد هاسميهم احب الاسماء الى الله _عبدالله و عبد الرحمن
و البنات هاسمهيم _فاطمة _لانى بموت ف الاسم دة و _ نيرة _ع اسم اختى الصغيرة
_هل تعتقد ان توريث الحكم في مصر سيحدث فعلا؟
فليقضى الله امرا كان مفعولا
_ما هو افضل انجاز لمبارك ؟ و ما هو اسواء سقطات حكمه؟
انجازات الرئيس كتير .بسم الله ماشاء الله 27 سنة ف الحكم اكيد عمل كتير لمصر
انما اسوء سقطات مش فاكر عموما برضة مفيش رئيس دولة ملوش اخطاء
_لمن تمرر هذا التاج؟
لكل اللى عندى على يمين المدونة من اول
swing
لغاية
بكرة اكيد احلى
هناك ٢٧ تعليقًا:
بعد السلام عليكم
شوفت ياعم كفراوى أغيب أغيب وارجع على أول تعليق وكمان ارجع على تاج
مبروك ياعم لمصر ومبروك كمان على مرورك من التاج دا ومبروك على نيولوك المدونة
وبعدين ياعم أنا لسه راجع .. عايزنى اول ما ارجع ارجع على تاج ، معلش ياسيدى اعذرنى بقى لو أتاخرت شوية فى الإجابة عليه
تحياتى ليك
السلام عليكم
ازيك ياكفراوى
هوانابرضه مدبسة فى التاجده وتاجين تلاتةتانيين
هو الظاهر التيجان دور وماشي فى وسط المدونين دلوقتى
ربنا يسهل بس واجاوبهم قريب
تحياتى
بعد السلام
تعرف اجابتك محايده ومعقولة
وشكرا على التاج
ازيك يا كفراوي
اجاباتك جامدة
الملخص المفيد
tag tanyyy
bs 2egabatak mantkyia
abo salah
بعد السلام الله يبارك فيك ولمصر و على النيولوك
متشكرين يااااااسيدى
\
\
\
\
\
عاشقة الوطن
وعليكم السلام
ربنا يسهلك و تجاوبيهم يظهر فعلا ان التيجان ماشية الايام دى
كتيييييييييييير
سهر
وعليكم السلام
ربنا يخليك شدى حيلك انتى وجاوبى بس
\
\
\
\
\
abeer
الله يكرمك
احنا بتوع المفيد دايما
اى خدمة
\
\
\
\
\
rourou
العفو يا افندم اى خدمة
بس يالا انتى ورينا اجاباتك
الموضوع جميل جداً والاجابات محايدة وفيها بين السطور ردود اخرى ...
المدونة جميلة
تحياتى
أكيـــــــــد
akeed
اللة يخليك
نورتنى
كفرواى باشا
ياميت هلا بعد غياب
لاء وراجع بتاج فى الصميم
على العموم انا التاج ده اتمررلى ولسه مجاوبتوش دعواتك بقى
ومغيبش يابنى كل ده
تحياتى
السلام عليكم و رحمة الله
مدونتك حلوة أهى
مش عجباك ليه بقى؟؟؟
امممممممم
ممكن أقول رأيى بس ما تزعلش
اختلاف الرأى لا يفسد للود قضية
من إجاباتك أقدر أقول إنك سايب الدنيا زى ما تيجى تيجى
عايش صحيح ممكن مش راضى بالواقع بس عندك نظرة تشاؤمية للمستقبل
امممممممممممم
معلش بقى استحملنى
بس بجد مدونتك حلوة
على الرغم من تحفظى على إجاباتك
بس خليك متفائل شوية
تحياتى لشخصك الفاضل
ra7eel
انا برضة اللى بغيب
\
\
\
\
\
soul.oOo.whisper
ممكن افهم بقى ازاى قدرتى تحليلى شخصيتى
انا مش هكذب عليك انا فعلا كدة
كفراوى ... لو بصيت لاجاباتك ..
هتلاقى إنك دايما مش بتعطى رأى فى أى قضية كانت ... يعنى لا بخصوص الديانة و لا بخصوص الانتخابات
و لا حتى الأسئلة فى حد ذاتها فكرت إنك تقول رأيك الشخصى
بخصوص المثليين ... مادام فى حالهم و ماشفتش منهم حاجة ...
لكن بناء على اللى بتسمعه قررت إنهم مرضى نفسيين و خلاص
لما أتسألت مين تختار فى الحزب اللى تأسسه
قلت أصحابى و أحبابى
و هذا يتنافى مع مبدأ أى مهنة ألا وهو الكفاءة
لكن فضلت الثقة بس ... يعنى علشان تحس إن فى حد يسندك !!...
يمكن بردوا مش واثق فى نفسك قد كدا ، علشان كدا حاسس إن مدونتك أقل
و مش واخد بالك إن المدونة مش للمقارنة .. إنما علشان تقول اللى جواك
مش سباق هو على قد ماهو قدرة على توصيل اللى جواك ...
التوريث فى مصر ... مستنى لما تشوف ، ماهو مش عاجبك لا كدا و لا كدا
بخصوص الانجازات و المساوئ
ماقلتش حاجة ، كأنك مش عايش ...قال ايه مش فاكر
دا طبعا غير تعليقك عندى
هاه يا د. معلش بقى على التحليل ، بس أنا بصراحة
متعودة إنى اعيش شخصية اللى قدامى من خلال كتاباته و بالتالى باحكم عليه
مش مجرد بأقرأ و خلاص
عارفة إنى تعبتك و مليت من القراءة بس معلش
إنت اللى طلبت ...ماليش دعوة
طبعا مافيش زعل ،
و مستنياك دايما تنورنى
اي والله..بقالهم 27سنة في الحكم..تصدق دا انجاز بكل المقاييس
والله احنا لازم ندخل موسوع جينيس
للأرقام..ألمأسوية
:)
تاج جميل فيه اسئله جميله من الواقع
الواحد بيلاقى بعض التاجات بتتكلم عن حاجات تافهه لا تفيد ولا يستفيد منها القراء
تحياتى ابو مفراح
اي الأسئلة دى ؟؟ وبعدين ايه الإجابات دى !!!!
ويمكن دا سبب تأخيرى فى التعليق لحد دلوقتى .
هو انا حكتب رأي بس عايزك تفضل فاكر انك اللى قلتلى روحى اكتبى تعليق
اوك
انا عايزة اقول انك بجد لحد دلوقتى مجوبتش حاجة ... انا حاسة انها اسئلة اتطرحت وانت جوبت بأسئلة برده
يعنى حاجة زى المثاليين .. انت قلتلى رايك قبل كده بس مكنش الرأي ده خالص وبعدين اللى انت قولته ده على انهم مرضى نفسيين دا مش جديد يعنى ولا ايه.
وحتة مدونتك دى اللى انت شايفها مش حلوة ... ليه كده ؟؟ أه يكونش علشان كده كل شويه تغير فيها ..
وبعدين الموضوع ده بذات انت عارف رأي فيه فبلاش بقى ..
والبقاى بقى تقريباً انت عارفه
اما بجد احلى حاجة عجبتنى فى الأجابات دى هى حكاية رأيك فى التوريث و لونك محبتش تكمل للأخر
بس جمده منك "فليقضى الله امرا كان مفعولا"
وكفايه بقى احسن التعليق على التاج ده عايز بلوج لوحده
تحياتى
2as2ela gamda we 2agweba agmad
kal3ada :D
اجابات دبلوماسية
اعتقد التاج دة تمريره اختياري مش اجباري الحمد لله
احلي تحية لاحلى الكفراوية
لطيف ان اول تعرف بينى وبين مدونتك تكون تاج
يعرفنى بيك اكتر يعنى
بس مش ظريف خالص ان الاول القصيده تكون عكسى تماما
مش معاك ف حذف خانة الديانه
والا لو اتحذفت فيتحذف معاها
الجنسيه والاسم والعمر
وتتمسح هوية الانسان نفسه
بقية الاجابات جامده
تحياتى
بقى كده يا كفراوى
اجى اسلم عليك الاقيك مدبسنى فى تاج
ماشى يا سيدى
كله منك حلو برضه
ماشي يا سيدي
يعني التاج اتمرر ليك بعد الفوز بالبطوله و للا بعدها؟
طبعا قبلها
يبقي ابارك ازاي؟
هههههههههه
ما علينا
مبروك لفوز المنتخب بالبطوله
و اسعدني رد فعلك علي التاج
تحياتي
ازيك
امبارح اخيرا استخدمت المعلومة اللى فى البوست اللى فات البت هدير قالتلى تعالى نجيب شوكلاتة قلتلها لا مش عايزة وهى قالت خلاص هجيب كيت كات قولتلها باعلى صوتى لأ البت اتخضت وقالتلى ليه
قلتلها مش فاكرة بس كفراواى قال مانجبهاش عندى زهايمر غريب
عجبنى اوى اما بتقول كل المدونات حلوة ماعدا مدونتى لا ضيف معاك مدونتى انا كمان هههههههه
لا مونتك حلوة عارفة مش عجباك ليه علشان انت مش بتكتب فيها بس كده بس اما بتكتب حاجة بتبقي حلوة
سلام
وانا بشوف الاسامى اللى على الجمب علشان اعرف التاج ده مبعوتلى ولا لا
عجبنى الاسم بتاعى كفاروة مع بعضينامتعرفش الواحد اما عرف مدونتك كان فرحان ازاى اخيرا لقيت حد من كفر الشيخ معايا
بس انت سايب كفر الشيخ ورحت شبرا بتعمل ايه
كفكف معلش ع التاخير
وبعدين مش عايز تسمي البنات مني لية علي اسمي
انت مش وعدتني بكدا
هههههههه
وعلي العموم
اجبابات مش واضحة
اطلاقااااااااااااا
هههههههههههههه علي راي تمرحنة والله اوفاقها في الراي
متزعلش بقي ياكفكف انا تعبانة والله لوتعرف هتزعل علشاني
وبعدين مدونتك كانت معلقة معايا من كتر الحاجات اللي بتعملها دي
يلا لينا مكان نتكلم فية بدل السياح كدا
سلام
dr.roufy
هههههه
و النبى كلمى بتوع جينيس يشوفولنا الموضوع دة
\
\
\
\
\
ابو مفراح
تحياتى يا افندم و شكرا ع ذوقك و كلماتك
\
\
\
\
\
tamer7na
طيب ما تنزلى بوست ع الاجابات دى
طالما هى عاجبك اوى كدة
بلاش انتى .......!
r.o.u.r.o.u.
و الله انتى اللى دايما رافعة معنوياتى
ربنا يخليكى ليا
\
\
\
\
\
\
اميرة ويلز
براحتك يا جميل
احلا مسا الاحلى اميرة ف الدنيا
\
\
\
\
\
\
د\اجدع بنوتة
تحياتى يا افندم و متشكر ع تشريفك
بس عالعموم كل واحد حر ف راية
و ان شاء الله ازورك عن قريب
بندقة
تدبيسة بالبندق
ههههههه
\
\
\
\
\
\
ذو النون المصرى
يا باشا التاج جاى و كأس الامم كانت والعة نار
عالعموم ادينى جاوبت و عملت اللى عليا
\
\
\
\
\
\
yasmine
انا بعلن من هنا زىى ما انتى عايزة ان مدونتك من احلى المدونات اللى شفتها ف حياتى
اما انا ف شبرا بعمل اية
فانا كليتى ف القاهرة و ساكن ف شبرا
يا ست ياسمين (كفاروة مع بعضينا)
إرسال تعليق