ايها الاخوة المواطنون....لقد جاء التاجوسوف نوافيكم بالاجابات تباعا
_لو قاللولك اختار اى عصر من عصور مصر ع تعيش فية
تختار اى عصر ف عهد اى حاكم......واشمعنى؟؟؟
اختار فترة السبعينات ف عهد السادات لانى كان نفسى اعاصر الحرب و كمان بموت ف حاجة اسمها السادات
_اول اولوية ف حياتك.......؟
اهلك _شغلك _اصحابك
هما كدة بالترتيب
_اية اكتر حاجة بتحبها ف رمضان....؟
شهر رمضان نفسه
_اوصف ليا اجمل فطار ممكن تفطرة....
انى اكون وسط ناس بيحبونى وبحبهم و مش مهم الاكل اية
_لو انت حاكم ع مجموعة من الافراد هتكون عادل....!
لا طبعا
_طيب هتعمل اية ع تتاكد انك حاكم عادل...
مفيش حاكم عادل.العدل مش موجود ف الزمن دة
_اللى بيبوظ الحكام -نفسهم-ولا الشعب -ولا الحاشية المقربة
راى انا الحاكم نفسه
_مين اكتر اعلامى بتحترمة....
ابراهيم عيسى
_قريت ديوان عمر مصطفى صاحب بلوج_تجربة_ولا لسة ولو اة رايك اية ؟
للاسف معرفش عمر و لازرت مدونتة قبل كدة
_لو يمكن تشتغل شغلة تانية غير اللى انت بتشتغلها او كنت بتشتغلها كنت تتمنى تبقى اية ؟
دكتور بيطرى برضة
_اية تانى بلد تتمنى تعيش فية بعد مصر؟
ايطاليا
_اوصف ليا ترتيبات اجمل فرح ممكن تحضرة..
مش شرط اى اتنين بيتجوزا يوم فرحهم بيبقى اسعد يوم ف حياتهم
_بتراعى كلام الناس والقيل والقال.لو اة او لا قولى لية ...؟
لا طبعا لان مفيش حد مسئول عن محاسبتى ف الدنيا غير اتنين
ابوى -الله يرحمة- وامى دلوقتى
وربنا ف الدنيا والاخرة
_صحيت من النومملقيتش الموبايل ولا الكمبيوتر ولا الكام الديجيتال ولقيت رجعنا لعصر الحمام الزاجل..هتكون سعيد..؟
هكون سعيد جدا لانى هتخلص من حاجات ممكن تكوت سبب من مصادر الازعاج الايام دى
_السعادة هى..؟
راحة البال
_عندك امل؟
ماليش غيرة دلوقتى
_أسبابك؟
بحاول ان اعيش ع امل ان اتجوز انسانة كويسة و اكون اسرة جميلة و ارتاح ماديا..وكدة يعنى
لما تهرب من كل شىء بتروح فين؟
بمشى ف الشارع لوحدى
_امتى اول مرة خدت فيها نفس طويل وقلت ياة انا فعلا كبرت؟
لما خالتى سالتنى ف يوم وقالتلى انت عندك كام سنة قلتلها ماشى ف 24
بتشرب سجاير..؟
بكل صراحة ع خفيف
_شعورك اية لما بتشوف ست بتشرب سجاير و لية؟
لو متجوزة العيب ع جوزها ..اما لو مش كدة هى حرة
_لما بتعمل عمل خيرى ...اية دافعك الاول؟
ابتغاء وجة الله
_بتعرف ايديك اليمين من الشمال ازاى؟
ساعة الاكل ..الشمال كانها مش موجودة
_اية اكتر الة موسيقية بتحبها..؟
الناى
_ف رايك لية الذوق و النخوة اتعدموا..؟
لاننا ف عصر الماديات انما لسة ف ناس برضة فيها الخير
تختار يبقى عندك ارض زراعية ولا اجنس عربيات ولا كام عمارة وفلوس ف البنك..؟
ارض زراعية
_البحر ولا النيل؟
البحر
_مركب ولا طيارة؟
مركب
_مجنون ولا عاقل؟
مجنون
_تقرى كتاب و لا تتفرج علية فيلم؟
اقرا
_بتمرر التاج لمين
لياسمين و بندقة و تمرحنة بنت خالتى و رورو ومحمد عبد الحى وتخاريف دكتور وابوصلاح
وهكذا ايها الاخوة المواطنون انتهى التاج ولا يسعنا
الا ان نشكر كل من ساهم ف تمريره
_انين الناى _
_ماعلينا_
و شكرا
هناك ٣٧ تعليقًا:
بقي اول ما ادخل عندك الاقي تاج
لا يا عم مش لاعب
اللهم اكثر من تيجانك
و ابعد التيجان عني
هههههههههههههه
تحياتي
اجاباتك ممتازه تنم في بعضها عن شخصية مثقفه و محترمه
اتمني لك التوفيق و بناء اسره سعيده و راحة البال
كل سنه و انت طيب
وأخيرا تم التاج بنجاح
يلا عقبال التاج القادم
تحياتي
:)
الحمدلله
اجبت التاج علي خير
اجابات لايت
وصغيرة
بس فيها المضمون
ربنا يكرمك بزوجة واسرة وفلوس وكدا يارب
وتبطل السجاير اللي علي خفيف
يلا التاج كشفك
ماكنتش اعرف انك دكتور بطري
اخوية كان نفسة يبقي دكتور بطري علشان يموت في الحيوانا
يلا سلام
جميل يا كفراوى
فعلا خير الكلام ما قل ودل
كل تاج وانت طيب يا دكتور
:)
ايه ياباشا الاجابات الناردىعلى فكرة انا كمان كنت ممررلك التاج دا
ايه دة
على فكرة ... جرئة منك الأجابات دى
و بتدخن على خفيف ... الله اكبر
وحلوة منك حتة عايز تبقى دكتور بطيرى دى .. هههه
ع العموم
التاج دة طلع مصلحة
ربنا يعينك يا
Kaf Kaf
كل تاج وانت طيب يا راجل يا طيب
تحياتى
ايه ياعم هى المدونة كانت تايهة ولا ايه اخيرا كتبت حاجة
بقالك قرن مكتبتش ليه
وياسلام كلكم كاتبيين المهم الناس واللمة ومش مهم الاكل وانتم اصلا اول مبتشوفوا شكل الاكل بتتسرعوا
وايه حكاية لو متجوزة يبقي العيب على جوزها لو مش متجوزة يبقي براحتها ياسلام هى الواحدة قبل ماتتجوز مبتبقاش مسئولة من حد ولا ايه مفروض تقول يبقي العيب على ابوها او اخوها او عمها الخ الخ الخ
عموما كل سنة وانت طيب ومتتأخرش علينا بقي
حلو
كوكي
http://nekny.blogspot.com/
السلام عليكم
كل عام وانتم بخير وإعاد الله عليكم الشهر الكريم بالخير واليمن والبركات
وجعل ايامكم كلها اعياد وافراح اللهم أمين
تحياتي
تاج
وايه التاج الغريب دة
بس تاج عسولة خالص
بقي بتشرب سجايرعلي خفيف
اياي
بس بجد اجاباتك حلوة
ربنا يوفقك يارب
وكل سنة وانت طيب
ربنا يوفقك وتحقق كل اللى انت عايزه
وكل سنه وانت طيب دايما وبخير
كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين
اخيرا
دا انا قلت انت هاتتنازل عن التاج
عموما بالهنا والشفا
ومطرح ما يسري يمري
كل تاج وانت طيب
وكل سنة وانت طيب
عيد سعيد عليك ان شاء الله
وربنا يرزقك ما تتمنى
بعد السلام عليكم
أيه ياعم كفراوي أخيرا ظهرت .. أنت كنت غطسان فين الفترة دى كلها
يالا حمد الله علي السلامة .. لا و أيه .. راجع علي تاج
اجاباتك جميلة ياباشا .. بس انت خلتني انهج وأنا بقرأها من كتر سرعتها
بس ده عشان اجابات عارفة هدفها
وأنت كمان إيطاليا .. كده احنا متفقين من الناحية دي ياباشا
وربنا يرزقك ببنت الحلال .. ويتوب عليك بقي من السجاير
وأشكرك طبعا علي ثقتك الغالية دي .. وأنك افتكرتني في تمريرة التاج
بس للأسف هتلاقيني مجاوب علي نفس التاج من قريب في مدونتي
وتحياتي
وكل سنة وأنت طيب و عيد سعيد عليك وعلي أسرتك
كل عام وأنتم بخير
مش عارف اكتبة
يارب ينولهالك
ذو النون المصرى
ربنا يخليك
دايما رافع معنوياتى
dr.roufy
مفيش حاجة بعد كدة تيجى من ناحيتك
my hope$
اخوك كان نفسة ف طب بيطرى
ان مستعد ابادل معاة
لو كان معاة اى حاجة
ghalia
و الله انت غالية علينا
تشريفك لينا
مواطن زهقان
يابنى انت مش بتهزق ابدا
من الحوارات دى
تمرحنة
بنت خالتى ومتعرفش حاجة عنى
ياجدعان
واد غلبان
وانت طيب يا امير
yasmine
بقللك يا ياسمين
انا حر اقول اللى انا عايزة
عيب احنا كفاروة
زى بعض بلاش نسيح لبعض
koki
كوكى كل الناس بيحبوكى
mohand
وعليكم السلام
ربنا يسمع منك يا مهند
smraa alnil
بقى التاج دة غريب
طيب يا انجى
ra7eel
ربنا يخليكى منرة البلوج
ربنا يسعد ايامك
امانى
بنت الجنوب سعيد لتشريفك ياافندم
ماعلينا
رينا يخليك
مش هتنازل عنك ابدا مهما تكون...
ابو صلاح
منور ياباشا
انت عارف بقى الدراسة و الحركات دى
بس انا زعلان منك لانك
مردتيش ع الكمنت بتاعى عندك
و انا مش هاردعليك بالمثل
بعد السلام عليكم
أولا كل سنة وأنت طيب ياكفراوي .. وعيد سعيد عليك وعلي كل اسرتك بإذن الله
ثانيا ربنا يعينك علي الدراسة .. ويوفقك أن شاء الله
ثالثا بقي ياباشا شكلك مخدتش بالك كويس .. لأني رادد علي كل كومنتاتك
وأنا اساسا بأيد الرد علي الكومنتات .. بس يظهر انها فاتت عليك .. أو ماخدتش بالك من ردودي عليك .. هو أنت كنت بتدور عليهم وأنت صايم ولا أيه ياعم
وبرضه وأنت بتتأكد من ردي عليك .. القي نظري علي التاريخ اسفل ردي عليك
عشان تتأكد بس أني رادد بقالي كتير .. يعني مش بعد ماشوفت عتابك ده مثلا
وعامة أنا ممكن اه أتاخر شوية عن الرد .. وشويتين كمان نظرا لانشغالي .. وكمان اتاخر في زياراتي للمدونات الأخري
لكن مااردش علي التعليقات .. لا ما يحصلش
وعامة ياعم أنا مقدرش علي زعلك .. وحقك عليا كمان .. رغم اني برضه رادد و من زمان كمان
وبعدين ياكفراوي أيه حكاية المثل دي .. ياراجل احنا بنعامل بعضينا بنيتنا ولا بنتعامل بالمثل
يعني ياراجل انت مثلا لو مازورتش مدونتي .. أنا بقي كده هابطل ازورك
لا طبعا
استحالة خالص .. لأن اكيد هابقي عاذرك
وحتي ياعم لو مفيش عذر خالص .. برضه هأجي
ومتنساش بقي تتأكد من ردي وكمان تشوف التاريخ
تحياتي
وكل سنة وأنت طيب
وعلي فكرة ياكفراوي
من الطبيعي أنه لو فعلا أنا ماردتش عليك .. أني مبقاش هنا دلوقتي
عارف ليه؟
عشان مادام أنا ماردتش عليك .. يبقي معقول هانتظر ردك عليا
يبقي مكنتش هاخش تاني وأشوف ردودك
مش صح ولا أيه؟
تحياتي ياباشا
كل سنه و انت طيب يا عم
ايه يا باشا
انت فين من زمان
كل سنة وانت طيب
معلهش بقي التاج ده بقي قديم لانه زمضانى ومش هاقدر اقبله
شد حيلك بقي فى الكلية
سلام
السلام عليكم
اول مرة اشوف حد عاوز يعيش وقت فيه حرب حرام عليك عارف لو حلمت في مرة بوقت الحرب دا هتصحى تقول توبه
هما اصحابك مش بيزعلوا لما تفضل عليهم شغلك الاول
هاجي اكمل التعليق بعدين
بص ياسيدي
انا بحببك على صراحتك لو كنت حاكم مش هتكون عادل
السجاير لو ممكن تبعتلي سيجارة اجربها بجد
غير كده تعليقاتك كلها بتدل على شخصيتك شخصية جادة ومحترمة طبعا
سؤال انت عصبي ؟
بالنسبة لمدونه الا رسولى ابعت ايميلك ل لماضة وهي هتبعتلك الدعوه على ايميلك
حاجة كمان اشمعنا اسم كفراوي اللي اخترته ليك؟
ابو صلاح
و النبى ماتزعل ياعم
يخرب بيت اللى يزعللك يا اخى
ذو النون المصرى
حبيب قلبى كل سنة وسعادتك طيب
تخاريف دكتور
انا برضة يا دوك اللى فين
انت ياعم نسيتنا خلاص
sahr
كل سنة وسعادتك طيبة
منورة البلوج و الله
انما موضوع الحرب دة
بلاش منة خالص طالما هيزعلك مننا
sahr
مش هاكون عادل ساعتها لانى هيبقى ف ايدى
مفاتيح السلطة كلها
و السلطة المطلقة مفسدة مطلقة كما يقولون
_السجاير
ابعتللك علبة
بس اعرف العنوان و انت كمان بتشربى اية
_اسم كفراوى دة_
اسم الشهرة بتاعى ف الكلية و الله
تعال عندنا طب بيطرىالقاهرة و اسالى لو مش متاكدة
بس انا ابقى موجود هناك الاول
اخيرا
بالنسبة سعادتك لمدونة _الا رسولى _
عنوان لماضة اية ع مش عارفة
جميلة الاجابات ما شاء الله
عجبني حكاية المشي لوحدك ساعه الضيق
و رأي حضرتك في المرأة اللي بتدخن
( حرية شخصية)
تحياتي و تقديري لحضرتك
:)
غير التاج ده بقى
http://lamadaa.blogspot.com/
دي مدونة لماضة ابعتلها ايميلك وهي تبعتلك الدعوه
واي خدمة
السلام عليكم
يلا كل تاج وأنت بخير أنا كمان أتدبست فى التاج دى
بس برافو عديت التاج بنجاح
كل سنه وانت طيب
تحياتى
حلوة أجوبتك
كانت صريحة
وبما انك تدخن خفيف
إن شالله تقطعها وتبتعد عنها
إرسال تعليق