انت بتحبها ....ايوة
وبعدين
مش عارف
يعنى اية
____________
انا عارفة انك بتحبنى
وانتى كمان
بس امى مش موافقة
ع اية
رافضة الموضوع من اساسة
_________
وبعدين
ولاقبلين
كل ماجى احبها الاقى الكلية فى وشى
_________
روح اخاص الاول من كليتك
بقالك 6 سنين ولسة ف سنة تالتة
انا قرفت من كل حاجة
اللة يرحمة ابوك
فعلا ربنا يرحمة
__________
ازاى احبك
الكلية دمرتنى
معلش شد حيلك
واللة انا حاسس انك هاتخلصى قبلى
__________
معلش مفيش نصيب
بس انا على امل
اناعمرى ماهنساك
حتى لو انتى مش لية
لازم تنسى.......
مش هقدر
____________
لقيت انى حبيتك
ومش بايدى اى حاجة
هحاول
انساك
هناك ١٨ تعليقًا:
AW7ASH 7AGA an 2l 7ob yede3 3ashan tafhat,koliyah aw felous.
lel 2asaf fe ktiiir 2l zaher ya3ni msh 3arfeen 2emt a7la 7aga fe 2l doniya we 2ly hiya 2l 7ob
ساعات بنعمل حاجات ومش بنحس بقيمتها الا متاخر لما نصطدم بالواقع وكتير الواقع بيكون مؤلم وكتير بردو بيفوقو وبيتعايشو ويبداو يفهمو الوضع الجديد او بالاصح الوضع الطبيعى لاى حد طبيعى
الحياه حلوه بيك ومن غيرها هى اكيد معاها احلى بس مش هتقف المهم انك تعرف تتتعايش ....
على فكره الكليه مش تفاهات ياااا.... وفعلا الحب جميل واحلى حاجه فى الدنيا بس كله بالعقل
مش عارف؟؟؟؟؟؟؟؟؟؟؟؟؟ ولا انا
بس الحب لمجرد الحب غلط
والناس اللى بتقول اننا لازم نحب وعايشين عشان نحب ده كلام مش مظبوط
العقل لازم يتحكم فى القلب يعنى قبل ما تحب لازم نتاكد ان الحب ده ليه مستقبل
كلام جد شويه صعب شويه جايز.... بس الحقيقه دائما مش لذيذه
هى الحاجة رافضة الموضوع م اساسه ليه
وبعدين خلص كليتك اول صحيح وبعدين ابقي فكر ف الجيش والشقة والسباكة والعفش و ..............
وف الاخر دور ع هجرة وريح دماغك
نسيت .... كل دا علشان كنت هتفكر ف الخطوبة والجواز بس مالوش لزوم
شد حيلك يا جدع
على فكرة انا حاسه انى عارفه الاتنين اللى انت كاتب عنهم دول وعارف كمان اسمهم هههههههههههههه
ومش هقولك اسمهم ايه
ههههههه
شد حيلك وعدى السنة ووريهم انك تقدر تخلص بسلام وان شاء الله ربنا يقدم اللى فيه الخير
لية الحزن دة كلة . حاول ,عافر . راح توصل
اوع تفكر ان الكلية راح تمنعك من تحقيق حلمك بص قدامك صح. حتشوف ان بكرة فتحلك دراعاته و معاه كل حاجة حلوة انت عايزة , بس قول يارب
واوع تخلي للحزن مكان فى قلبك
ايه وجع الدماغ ده
انا جاية اقولك تعالى قولى رايك الاقى البوست ده
ربنا يعينك
سلام
والله انا من مؤيدى رأى
الشهاده اولا
ثم بعد ذلك
العمل
ثم
مباح لك الحب والزواج
كبر مخك منها
انا عندى ست ستها
سيبك منها وتيك اوى
عروسه اخر موديل
خلص انت الكليه وتكون هى خرجت بالسلامه
r.o.u.r.o.u
مش احلى حاجة اوى
تحياتى يا فندم
dr_clever
ع فكرة انت اتفهة حاجة ف الدنيا دى الكلية
ودة رايي و انا حر بقى
بندقة
فعلا فعلا
الحقيقة دايما مش لذيذة بالمرة
تخاريف دكتور
عيب يا دكتور
احنا رجالة ووقفنا وقفة رجالة
غير معرف
ع فكرة مش لازم اعرفهم باسمسيهم
كفاية ان انا عرفتهم و خلاص
hend
ربنا يجبر بخاطرك اهو دة الكلام
tamr7na
يااااااااااااارب
يا سمسمة
و انتى عارفة اللى فيها
لسة بعقلى
شكرا
و ماتزقيش بعد كدة
عازف الناى
و اللة و انا معاك
بس فين الحرب اللى هنموت فيها ونخلص
بهلولة
سعيد بيكى و اتمنى تكونى صديقة
بس تعالى هنا
العروسة ف سنة كام دلوقتى.....؟
هو ليه انا عمرى ماشفت حد فى بيطرى واتخرج بعد خمس سنين كله قاعد فيها هى الكلية حلوة اوى كده ولا ايه
معلش الزمن ده الحب بقي صعب فيه
اسوء حاجة ان كله يدخل فى بعضه وانك متقدرش تخطط
ربنا يعينك
حاول تسيب كل حاجة لوقتها عشان ترتاح ومتتصدمش
مشيناها خطى كتبت علينا
كتبت علينا خطى مشيناها
سيبك انت
ان شاء الله تخلص الكلية
لانها اتفه من انها تكون عقبة في حياتك
هي دي نقطة تفاهتها
انها لا تستحق تكون عقبة في طريقك
اكيد انت لو حطيتها في دماغك
هاتخلص منها سريعا
والحب
الحب دا هو اللي بيبدا حكايته
وهو اللي بيحط لها نهاية
فسيبه مع نفسه
شوف هايوصل بيك لحد فين
يللا بقى نشوف لنا عزومة
كفراوي كفراوي
العزوة حلوة برضوا
و اللة يا ياسمين الكلية بتاعتنا د
مقبر ة الغزاة
سعيد بتشريفك
honda
فعلا السلوك كلها دخلت ف بعضيها
ما علينا
كلامك حافز
و العزومة اللى انتى تقولى علية
اما بالنسبة للعزوة
انتو كام واحد ف العيلة ......!
خلى كل حاجه تاخد وقتها
خلص كليتك
حاتلاقى كل الامور بتتحل لوحدها
الام امايتقدم
لها طالب غير لما يتقدم لها
خريج خلى عندك امل
فى كتير جوازت نجحت
بعد رفض العيله
باصرار الطرفين
تمنياتى لك بكل الخير
دى قصة شعب يا بنى مش قصة جيل ولا قصة لوحدك
من خمس سنين فاتوا كان ممكن تبقى قصة جيل انما حاليا فهى قصة شععععععععب
الحب اجمل حاجة فى الدنيا بس اوقات كتيرة لما بيضيع مننا بتنكسر جوانا حجات وربنا اللى بيقدر يفوقنا تانى وبجد انت عبرت بشكل حلو اوى تحياتى لك
إرسال تعليق